Առյուծը
Կարդա՛ տեքստը և կատարի՛ր առաջադրանքները:
Առյուծը գազանների արքան է: Այդ «տիտղոսին» ոչ ոք չի կասկածում, և ոչ մեկը չի վիճարկում: Իսկ ինչո՞ւ հատկապես առյուծին է շնորհվել այդ տիտղոսը: Նա գիշատիչներից ամենաուժե՞ղն է: Հազիվ թե: Ուժով, կարելի է ասել, զիջում է վագրին: Ամենաճարպի՞կն է: Նույնպես՝ ոչ. Նա զիջում է ընձառյուծին: Գիշատիչներից ամենախոշո՞րն է: Դարձյալ ոչ. սպիտակ արջը 700-800 կիլոգրամ է կշռում, նույնիսկ վագրը, որ 300 կիլոգրամ է, ավելի խոշոր ու ծանր է: Հասուն արու առյուծի առավելագույն քաշը 230 կիլոգրամից ավել չէ: Եվ, համենայն դեպս, առյուծն է գազանների արքան: Եվ նա այդ տիտղոսը կրելու իրավունքն ունի: Ըստ երևույթին, առյուծին գազանների արքա են կոչել ոչ թե ուժի, այլ՝ կեցվածքի համար, վեհ ու հպարտ կեցվածքի և նույնքան վեհ ու հպարտ բնավորության համար: Առյուծը բաց տարածությունների բնակիչ է, չի թաքնվում դարանում ու սպասում որսի: Նա որսի վրա բացահայտ է գնում՝ իր մռնչոցով բոլորին նախազգուշացնելով, որ գազանների արքան որսի է ելել: Եվ ամեն մի կենդանի էակ դողում է այդ «արքայական մռնչոցից»: Բայց առյուծը նաև մեծահոգի է, երբեք չի ոչնչացնում կենդանիներին, եթե կուշտ է:
1․ Ինչո՞ւ է առյուծը համարվում գազանների արքա:
Առյուծին գազանների արքա են կոչել ոչ թե ուժի, այլ՝ կեցվածքի համար, վեհ ու հպարտ կեցվածքի և նույնքան վեհ ու հպարտ բնավորության համար։
2․ Դո՛ւրս գրիր առյուծին բնութագրող բառեր:
ուժեղ,հպրտ,վեհ,մեծահոգի
3․ Գրի՛ր հոմանիշները՝
արքա-թագավոր
խոշոր-մեծ
վեհ-հպարտ
կասկածել-երկմտել
4․ Գրի՛ր հականիշները՝
ոչ-այո
ծանր-թեթև
խոշոր-մանր
մեծահոգի-փոքահոգի, անխիղճ
ոչնչացնել-առաջացնել
կուշտ-սոված
5. Ճարպկությամբ ո՞ւմ է զիջում առյուծը:
Ճարպկությամբ զիջում։ Ընձառյուծին։
6․ Տեքստից դո՛ւրս գրիր 5 բայ /գործողություն ցույց տվող բառ/։
կասկածել,շնորհվել,վճարկել,ասել,զիջել
7․ Տեքստում գրված թվականները գրի՛ր տառերով։
800 — ութ հարյուր
230 — երկու հարյուր երեսուն
700 — յոթ հարյուր
300 — երեք հարյուր
8․ Նախադասության ընդգծված բառերին «ինչպիսի՞» հարցին պատասխանող լրացումներ ավելացրո՛ւ։
Նա որսի վրա բացահայտ է գնում՝ իր մռնչոցով բոլորին նախազգուշացնելով, որ գազանների արքան որսի է ելել:
անհաջող որս, ահարկու մռնչոց,հզոր արքա
9․ Լրացրո՛ւ բաց թողած տառերը․
Գաղտնիք, վայրէջք, պառկել, զարդարվել, արթնանալ։
10․ Կազմի՛ր երեքական բառ հետևյալ ածանցներով՝
-վածք-դարձվածք, պատմվածք
-ային- գարնանային,արևային,մարդկային
-ական-որսորդական, հայկական, գեղագիտական
-ակ- գետակ, առվակ,
-եղեն-բանջանեղեն,արծաթեղեն, ոսկեղեն
11․ Համացանցից գտի՛ր հետաքրքիր փաստեր առյուծի մասին, 3-4 նախադասությամբ ներկայացրո՛ւ։
1-Առյուծները շատ են սիրում հանգստանալ։ Նրանք որևէ ծառի կամ թփի շվաքում օրեկան անց են կացնում 20 ժամ։
2-Առյուծների խումբը կոչվում է պրայդ։
3-Առյուծները ունեն շատ փոքր սիրտ։ Կատվազգիների մեջ նրանց սիրտը ամենափոքրն է։
4-Առյուծների եղունգների երկարությունը կարող է հասնել 7 սմ-ի։